Fotbolti.net
24.07.18 - 16:27
Elvar Geir Magnússon

Felix kynntur hjá Vejle (Staðfest)

Felix mættur í treyju Vejle.

Felix mættur í treyju Vejle.

Canon

Mynd: Vejle

ÍBV hefur lánað Felix Örn Friðriksson til danska úrvalsdeildarfélagsins Vejle. Lánssamningurinn er til eins árs en danska félagið er með forkaupsrétt á Eyjamanninum.

Felix er 19 ára gamall og spilar fyrir U21-landslið Íslands. Þá á hann tvo A-landsleiki, vináttuleikina gegn Indónesíu í janúar á þessu ári.
Felix var formlega kynntur á heimasíðu Vejle í dag en þar er haft eftir íþróttastjóra félagsins, Jacob Krüger, að augun hafi verið á bakverðinum unga í nokkurn tíma.

Honum er lýst sem hæfileikaríkum leikmanni en þurfi að aðlagast þeim gæðum sem eru í dönsku úrvalsdeildinni.

„Það er stórt tækifæri fyrir mig að koma í metnaðarfullt danskt félag. Ég hef heyrt mjög mikið um danskan fótbolta og það eru margir leikmenn héðan sem fara í stærri félög. Ég hlakka til að þróast og reyna mig í betri deild en þeirri íslensku,\" segir Felix við heimasíðu Vejle.

Felix á að berjast um vinstri bakvarðarstöðu Vejle við færeyskan landsliðsmann sem heitir Viljormur Davidsen.

Danska úrvalsdeildin er farin af stað en Vejle er með fjögur stig að loknum tveimur umferðum.
Felix hefur leikið með ÍBV í Pepsi-deildinni síðan 2016.

Felix hefur leikið með ÍBV í Pepsi-deildinni síðan 2016.

Canon

Mynd: Fótbolti.net - Hafliði Breiðfjörð

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.