Fotbolti.net
24.07.18 - 09:48
Elvar Geir Magnússon

Hörður Sveins í Reyni Sandgerði (Staðfest)

Hörður Sveins í Reyni Sandgerði (Staðfest)
Canon

Mynd: Aðsend

Sóknarmaðurinn reynslumikli Hörður Sveinsson hefur fært sig um set á Suðurnesjunum og er genginn í raðir Reynis Sandgerði úr Keflavík.

Reynismenn leika í neðstu deild en eru búnir að vinna alla sína níu leiki í B-riðli 4. deildarinnar.

Þjálfari Reynis er fyrrum liðsfélagi Harðar, Haraldur Freyr Guðmundsson.
Hörður, sem er 35 ára, á fjölmörg tímabil að baki með Keflavík en hann meiddist í fyrra þegar liðið komst upp úr Inkasso-deildinni. Hann náði aðeins fjórum deildarleikjum í fyrra og hefur ekkert komið við sögu á þessu tímabili.

Alls hefur hann skoraði 84 mörk í 261 meistaraflokksleik hér á landi á ferlinum samkvæmt tölfræði KSÍ.

Fyrir um áratug lék hann með Silkeborg í Danmörku og Tromsö í Noregi.

Hörður var ekki í leikmannahópi Keflvíkinga í gær þegar þeir töpuðu 3-0 fyrir Grindavík. Keflvíkingar eru langneðstir í Pepsi-deildinni, með aðeins þrjú stig.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.