Aron hjálpaði Horsens að fara upp úr B-deildinni í vor og hefur byrjað frábærlega í Superliga. Horsens er í 9. sæti deildarinnar.
Aron Sigurðarson hefur átt virkilega gott tímabil með Horsens í Danmörku.
Hann hefur spilað alla sautján deildarleiki liðsins og ef tölfræði yfir miðja miðjumenn í dönsku Superliga er skoðuð á Wyscout er Aron í efsta sæti.
Hann hefur spilað alla sautján deildarleiki liðsins og ef tölfræði yfir miðja miðjumenn í dönsku Superliga er skoðuð á Wyscout er Aron í efsta sæti.
Aron hefur mest spilað á miðri miðjunni en einnig fyrir aftan fremsta mann og á vintri kantinum. Margir tölfræðiþættir eru reiknaðir saman en sá tölfræðiþáttur sem Aron skarar mest fram úr í miðað við meðaltal eru lykilsendingar í leik. Hann er með 0,55 lykilsendingar á hverjum 90 mínútum spiluðum. Í öðru sæti yfir miðja miðjumenn er Viktor Claesson hjá FC Kaupmannahöfn.
Aron hefur skorað sex mörk á tímabilinu til þessa og er með 0,32 xG (expexted goals) að meðaltali í leik, alls 4,76 í leikjunum sautján. Þá hefur hann lagt upp þrettán skotfæri fyrir liðsfélaga sína sem þeir hafa ekki nýtt og á hann því enn eftir að fá skráða stoðsendingu. Einungis fimm leikmenn í deildinni hafa skorað fleiri mörk en Aron.
Aðrir Íslendingar á lista eru Mikael Anderson (AGF), sem er í átjánda sæti, Stefán Teitur Þórðarson (Silkeborg) er í nítjánda og Aron Elís Þrándarson (OB) er í 25. sæti.
Tveir Íslendingar eru skráðir sem kantmenn (lateral forwards) og eru á topplistum út frá Wyscout skýrslum. Það eru Skagamennirnir Hákon Arnar Haraldsson og Ísak Bergmann Jóhannesson sem spila hjá FC Kaupmannahöfn. Hákon er í 14. sæti og Ísak er í 20. sæti. Norðmaðurinn Andreas Schjelderup hjá toppliði Nordsjælland er í efsta sæti á þeim lista.
Sævar Atli Magnússon hjá Lyngby er í 16. sæti á lista yfir framherja og Elías Rafn Ólafsson hjá Midtjylland er í 14. sæti yfir markmenn.
Aron Sigurðarson er 29 ára gamall og kom frá belgíska félaginu St. Gilloise fyrir rúmu ári síðan. Hann var ekki í íslenska landsliðinu sem tók þátt í Eystrasaltsbikarnum í síðutu viku.
Stöðutaflan
Danmörk
Superliga - karlar
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Midtjylland | 22 | 15 | 3 | 4 | 43 | 23 | +20 | 48 |
2 | Brondby | 22 | 14 | 5 | 3 | 44 | 20 | +24 | 47 |
3 | FCK | 22 | 14 | 3 | 5 | 45 | 23 | +22 | 45 |
4 | FC Nordsjaelland | 22 | 10 | 7 | 5 | 35 | 21 | +14 | 37 |
5 | AGF Aarhus | 22 | 9 | 9 | 4 | 26 | 21 | +5 | 36 |
6 | Silkeborg | 22 | 8 | 3 | 11 | 28 | 32 | -4 | 27 |
7 | OB Odense | 22 | 6 | 6 | 10 | 25 | 32 | -7 | 24 |
8 | Lyngby | 22 | 6 | 5 | 11 | 27 | 39 | -12 | 23 |
9 | Viborg | 22 | 6 | 5 | 11 | 24 | 37 | -13 | 23 |
10 | Randers FC | 22 | 5 | 8 | 9 | 23 | 37 | -14 | 23 |
11 | Vejle | 22 | 4 | 7 | 11 | 19 | 26 | -7 | 19 |
12 | Hvidovre | 22 | 2 | 5 | 15 | 17 | 45 | -28 | 11 |
Athugasemdir