Kristall var valinn í úrvalslið mánaðarins í dönsku úrvalsdeildinni í síðasta mánuði.
„„Ég hef ekkert reynt að komast að því hvaðan þessi áhugi er að koma, það getur strítt aðeins hausnum á manni.“
Kristall gekk til liðs við SönderjyskE árið 2023.
Kristall Máni Ingason, leikmaður SönderjyskE, hefur byrjað tímabilið í dönsku úrvalsdeildinni afbragðsvel og er hann einn mikilvægasti maður liðsins.
SönderjyskE er í fjórða sæti dönsku úrvalsdeildarinnar og hefur hefur skorað sjö mörk og gefið þrjár stoðsendingar í sextán leikjum í deild- og bikar.
Hann er nú staddur á Íslandi í fríi og Fótbolti.net ræddi við hann í gærdag.
SönderjyskE er í fjórða sæti dönsku úrvalsdeildarinnar og hefur hefur skorað sjö mörk og gefið þrjár stoðsendingar í sextán leikjum í deild- og bikar.
Hann er nú staddur á Íslandi í fríi og Fótbolti.net ræddi við hann í gærdag.
Kúltúrbreytingar hjá SönderjyskE
„Það er fínt að komast í frí. Þetta eru búnir að vera heldur betur skemmtilegir fyrstu mánuðir á mótinu. En erfiðir líka þar sem það er búið að taka gjörsamlega til í kúltúrnum þarna úti: Æfingarnar og síðan fengum við nýjan styrktarþjálfara, alveg búið að taka liðið í gegn. Það er fínt að fá smá frí, en ég er sáttur.“
Kristall segir kúltúrbreytingarnar hafa haft jákvæð áhrif á sig, en hann hefur verið að glíma við brjósklos.
„Já, algjörlega. Ég var búinn að vera meiddur í um ár samtals. Ég var alltaf að koma inn og fara út, það náðist að stilla mig svolítið af. Það var ekki verið að þvinga mig á völlinn aftur. Við tókum tvo, þrjá góða mánuði í að koma mér í hrottastand og það er að skila sér eins og staðan er núna.
Ég finn ennþá frekar mikið til. Síðan er þetta með brjósklos, það er mismunandi hvernig þú vaknar. Ef ég er að gera of mikið þá vakna ég slæmur. Þetta er allaveganna töluvert betra en þetta var.“
Kristall er markahæsti leikmaður SonderjyskE, en hann hefur skorað sex mörk í dönsku Superligaen ásamt því að hafa lagt upp tvö mörk.
„Ég held að mér sé að ganga persónulega svona vel því að loksins er maður í nægilega góðu standi til að spila á fullum krafti í 60-90 mínútur. Ég hef alltaf vitað að fótboltahæfileikarnir hverfa ekkert, þetta er spurning um hvernig fitness standið á manni er.“
Eftirsóttur biti
Kristall er farinn að vekja áhuga fjölda liða í Belgíu, Hollandi og Þýskalandi, og er talið að það muni eitthvað gerast í hans málum á næstunni. Hann rennur út af samningi sumarið 2027.
„Ég hef ekkert reynt að komast að því hvaðan þessi áhugi er að koma. Það getur strítt aðeins hausnum á manni. Eins og þú sérð núna þá er ég í Fjölnisgallanum, maður er bara að hugsa um að æfa almennilega og vera klár að spila í janúar hvort sem það er í SönderjyskE eða annars staðar.“
„Eins og staðan er núna er maður ánægður þar sem maður er. En maður veit aldrei hvað gerist. Ég veit ekki hvort að það verði einhverjar breytingar í janúar, næsta sumar eða ég framlengi. Það verður bara að koma í ljós.“
