Mohamed Salah.
Greint var frá því í gær að Mohamed Salah sé á förum frá Liverpool eftir tímabilið. Hann og félagið hafa komist að samkomulagi um að hann megi fara á frjálsri sölu næsta sumar.
Þá spyrja menn: Hvað næst?
Þá spyrja menn: Hvað næst?
Salah hefur verið mest orðaður við Sádi-Arabíu en ekki er hægt að útiloka MLS-deildina, og þá sérstaklega Inter Miami, úr þessari baráttu.
Samkvæmt The Independent er Inter Miami tilbúið að leggja fram tilboð í Salah og freista þess að fá hann til Bandaríkjanna, þrátt fyrir samkeppni frá Sádí-Arabíu þar sem launin eru mjög há.
Slík félagaskipti væru þó ekki án vandkvæða. Inter Miami hefur eins og er ekki laust „Designated Player“-pláss, sem þarf til að fá leikmann á borð við Salah utan launaþaks MLS-deildarinnar. Til að gera samninginn að veruleika þyrfti félagið því að endurskipuleggja leikmannahóp sinn verulega í sumar.
Það væri þó athyglisvert að sjá Salah spila með Lionel Messi í Bandaríkjunum.
Athugasemdir
