Diaz, Salah, Gallagher, Jorginho, Greenwood, Cancelo og fleiri góðir í slúðri dagsins
   fim 25. maí 2023 16:30
Sæbjörn Þór Þórbergsson Steinke
Gunnar Þorsteins spáir í 4. umferð Lengjudeildarinnar
Lengjudeildin
Gunnar Þorsteinsson.
Gunnar Þorsteinsson.
Mynd: Fótbolti.net - Tomasz Kolodziejski
Skotinn fljúgandi á að vera í banni (shocking) en bregður sér í líki marbendils og fær leikheimild
Skotinn fljúgandi á að vera í banni (shocking) en bregður sér í líki marbendils og fær leikheimild
Mynd: Fótbolti.net - Jónína Guðjörg Guðbjartsdóttir
Eins og nýsleginn túskildingur
Eins og nýsleginn túskildingur
Mynd: Þórir Þórisson
Léttur á fæti eftir að hafa fengið rausnarlega til baka frá skattinum.
Léttur á fæti eftir að hafa fengið rausnarlega til baka frá skattinum.
Mynd: Fótbolti.net - Hafliði Breiðfjörð
Fjórða umferð Lengjudeildarinnar fer öll fram á morgun. Fyrsti leikur hefst klukkan 18:00, og síðustu fjórir leikirnir klukkan 19:15.

Handboltamaðurinn Þráinn Orri Jónsson spáði í leiki síðustu umferðar og var með þrjá rétta. Nú er hins vegar komið að Grindvíkingnum Gunnari Þorsteinssyni.

Svona spáir Gunnar leikjunum:

Vestri 0 - 1 UMFG (18:00)
Gulklæddir hafa hafið þetta mót af krafti — skyldi engan undra enda aftur farnir að taka Lýsi. Arnar Stefáns bryddar upp á þeirri óvæntu nýlundu að liðin fara í krumlu í stað hlutkestis. Þar hittir skrattinn ömmu sína þegar pólska stálið Maja Majewski mætir Davíð Smára Lamude. Okkur Grindjánum líður ávallt vel fyrir vestan og Grjóni línubjargari ver vítaspyrnu sem dæmd er á Hauk formann fyrir að vera of myndarlegur. Þrátt fyrir stórsókn Vestfjarðavíkinganna með Tufa brate í fararbroddi þá heldur Grindavík heldur hreinu því Viktor Guðberg er atvinnumaður í að skipta um öryggi.

Dagur Hammer er léttur á fæti eftir að hafa fengið rausnarlega til baka frá skattinum og skrúfar hann í skeytin fjær frá vinstri í uppbótartíma fyrri hálfleiks. Jankó gargar “Besti leikmaður heima hjá sér!” og Jói Torfa (MM) skellir sér á lær. Mikilfengleg frammistaða mágs hennar verkar eins og bensín á bál sköpunargleði Snærósar Sindra gerir aðra seríu um Jósafat Arngrímsson, a.k.a. Joe Grimson.

Fjölnir 2 - 2 Þór (18:30)
Ég styð Þorparana í blíðu og stríðu enda uppeldisfélag annars af tveimur uppáhalds svila minna. Ed Sheeran brýtur ísinn eftir huggulegan einleik en Þórsarar slá þá Mjölni í borðið og komast yfir eftir tvær snarpar skyndisóknir. Í hálfleikræðu sinni hvetur Hemmi Árna, nota bene barnabarnabarn Árna úr Eyjum, sína menn til dáða sem koma fílefldir til leiks í þeim síðari og jafna metin. Í leikslok kyrja svo bæði lið í sameiningu besta lag Íslandssögunnar: “Komdu til baka”, undir styrkri leiðsögn Kristmundar Axels.

Ægir 2 - 2 Selfoss (19:15)
Í upphitun fyrir Suðurlandsslaginn verða auðvitað eingöngu leikin lög eftir dáðustu tónlistarmenn plássanna: Jónas Sig og Skímó. Völlur Ægismanna er óleikfær og verður leikurinn því færður á Hraunið eins og hjá KF Nörd hér um árið. Þar mun tignarlegasti fangavörður landsins sjá til þess að allt fari vel fram. Í leikslok verður hlutkesti þar sem Elliði Vignis ákveður hvort að íþróttafélag Þorlákshafnar muni framvegis heita annaðhvort Ægir eða Þór.

Njarðvík 1 - 1 Þróttur (19:15)
Hér mætast stálin stinn þegar stórvinir mínir og tjallarnir Marc McAusland (F) og Sam Hewson (F) leiða saman hesta sína. Skotinn fljúgandi á að vera í banni (shocking) en bregður sér í líki marbendils og fær leikheimild. Þróttarar ráða illa við díagonalana frá Marc sem kemur grænklæddum á bragðið með kollspyrnu eftir hornspyrnu á stórhættulegum stað. Ian David skiptir svo sjálfum sér inn á og jafnar í uppbótartíma eftir huggulegan undirbúning Sáms.

Grótta 0 - 1 Afturelding (19:15)
Mosfellingar hafa farið með himinskautum í upphafi móts og halda hér uppteknum hætti í úthverfabarningi. Maggi .net blæs Mosfellingum baráttuanda í brjóst með upplestri úr Vefaranum mikla frá Kasmír og sögum af framferði Valgerðar Ylfingamóður.

Leiknir 3 - 0 ÍA (19:15)
Léttleikandi Leiknisljónin eru enn að sleikja sárin eftir umdeilda breytingu á merki félagsins — skyldi engan undra. Hvað sem því líður þá halda ófarir sveitunga Evu Laufeyjar Kjaran því miður áfram. Innri-endurskoðandinn og Hrafna-Flóka faðirinn Sindri Björnsson er eins og nýsleginn túskildingur eftir að hafa játað vanmátt sinn og leyft hárinu að fjúka. Hann setur hér seinni-bylgju þrennu a la Lampard og gefur svo öllum í Kviku finger guns á mánudaginn kemur.

Fyrri spámenn:
Þráinn Orri Jónsson (3 réttir)
Birnir Snær Ingason (2 réttir)
Aron Jóhannsson (1 réttur)
Stöðutaflan
  L U J T ms: mf: mun Stig
0 0 0 0 0 0 0 0 0
Athugasemdir
banner
banner
banner
banner