Markmiðið fyrir úrslitaleikinn skýrt - „Erum ekki komnir til að bara vera þarna“
Konráð Freyr Sigurðsson.
Mynd: Sigurður Ingi Pálsson
Tindastóll hefur unnið þrjú 2. deildarlið í Fótbolti.net-bikarnum.
Mynd: Sigurður Ingi Pálsson
Konráð Freyr Sigurðsson.
Mynd: Sigurður Ingi Pálsson
Tindastóll mætir Víkingi Ólafsvík í úrslitaleik Fótbolta.net bikarsins á Laugardalsvelli annað kvöld. Liðið lék gegn grönnum sínum Kormáki Hvöt í undanúrslitum bikarsins síðasta föstudag. Stólarnir báru sigur úr býtum og tryggðu sér í úrslitaleikinn eftir mikinn hasar, þar sem þrír leikmenn Kormáks/Hvatar voru reknir af velli.
Fótbolti.net ræddi við Konráð Frey Sigurðsson, þjálfara Tindastóls, fyrir úrslitaleikinn.
Fótbolti.net ræddi við Konráð Frey Sigurðsson, þjálfara Tindastóls, fyrir úrslitaleikinn.
TENGT EFNI
Leið Víkings Ó. og Tindastóls á Laugardalsvöll - Hiti og dramatík
„Það var mikill hasar í undanúrslitunum. Við bjuggumst við því að það væru margir á leiknum og smá haverí. En ég er afar stoltur strákunum, þeir komu vel stilltir inn í þann leik og stóðu sig frábærlega.“
„Síðustu dagar hafa einkennst af spennu í hópnum, frekar en stressi. Við horfum á það að við ætlum að njóta tækifærisins og ætlum okkur sigurinn.“
Unnið þrjú 2. deildarlið
Tindastóll leikur í 3. deild en Víkingur Ólafsvík er í 2. deild. Tindastóll hefur þó sýnt fram á að deildarmunur skipti litlu í Fótbolti.net bikarnum, þar sem þeir hafa farið í gegnum þrjú 2. deildarlið á leið sinni á Laugardalsvöll.
„Í svona bikarkeppnum er auðvitað bara einn leikur. Við erum búnir að vera gífurlega öflugir í þessum þremur leikjum sem við höfum mætt liðum í 2. deildinni.“
„Víkingur Ólafsvík eru með mikla hæfileika í liðinu, með flottan þjálfara og góðan hóp. Þetta snýst um hvernig við komum inn í þetta. Við ætlum að koma vel gíraðir. Njótum mómentsins en vera jafnframt einbeittir og höfum augun á markmiðinu, það er að vinna þetta. Við erum ekki komnir til að bara vera þarna, við viljum sýna okkur og liðið okkar.“
Stuðningsmennirnir þekkt stærð í körfuboltanum
Tindastóll hefur leikið alla leiki sína í bikarnum á Sauðárkróki. Konráð segist vilja taka stemninguna
„Þessi stuðningsmannasveit er þekkt stærð í körfuboltanum. Það eru margir úr henni sem ætla að koma. Svo er þetta einstakt samfélag, það eru margir sem styðja liðið búsettir á höfuðborgarsvæðinu. Það er gífurleg uppsveifla með okkur svo ég býst við mikilli stemningu.“
Draumur að stýra liðinu á Laugardalsvelli
Konráð er fæddur árið 1995 og er eflaust einn yngsti þjálfari sögunnar til að stýra liði á Laugardalsvelli. Hvernig er fyrir þig, sem ungan þjálfara, að fá að stýra liðinu á Laugardalsvelli?
„Það er draumur, algjör draumur. Ekkert annað orð sem lýsir þessu betur. Draumur að fá að upplifa þetta og pínu forréttindi að fá að stýra þessum einstaklingum á þessu sviði.“
Leikurinn fer fram annað kvöld á Laugardalsvelli og hefst kl. 19:15. Smelltu hér til að fara í miðasöluna
„Síðustu dagar hafa einkennst af spennu í hópnum, frekar en stressi. Við horfum á það að við ætlum að njóta tækifærisins og ætlum okkur sigurinn.“
Unnið þrjú 2. deildarlið
Tindastóll leikur í 3. deild en Víkingur Ólafsvík er í 2. deild. Tindastóll hefur þó sýnt fram á að deildarmunur skipti litlu í Fótbolti.net bikarnum, þar sem þeir hafa farið í gegnum þrjú 2. deildarlið á leið sinni á Laugardalsvöll.
„Í svona bikarkeppnum er auðvitað bara einn leikur. Við erum búnir að vera gífurlega öflugir í þessum þremur leikjum sem við höfum mætt liðum í 2. deildinni.“
„Víkingur Ólafsvík eru með mikla hæfileika í liðinu, með flottan þjálfara og góðan hóp. Þetta snýst um hvernig við komum inn í þetta. Við ætlum að koma vel gíraðir. Njótum mómentsins en vera jafnframt einbeittir og höfum augun á markmiðinu, það er að vinna þetta. Við erum ekki komnir til að bara vera þarna, við viljum sýna okkur og liðið okkar.“
Stuðningsmennirnir þekkt stærð í körfuboltanum
Tindastóll hefur leikið alla leiki sína í bikarnum á Sauðárkróki. Konráð segist vilja taka stemninguna
„Þessi stuðningsmannasveit er þekkt stærð í körfuboltanum. Það eru margir úr henni sem ætla að koma. Svo er þetta einstakt samfélag, það eru margir sem styðja liðið búsettir á höfuðborgarsvæðinu. Það er gífurleg uppsveifla með okkur svo ég býst við mikilli stemningu.“
Draumur að stýra liðinu á Laugardalsvelli
Konráð er fæddur árið 1995 og er eflaust einn yngsti þjálfari sögunnar til að stýra liði á Laugardalsvelli. Hvernig er fyrir þig, sem ungan þjálfara, að fá að stýra liðinu á Laugardalsvelli?
„Það er draumur, algjör draumur. Ekkert annað orð sem lýsir þessu betur. Draumur að fá að upplifa þetta og pínu forréttindi að fá að stýra þessum einstaklingum á þessu sviði.“
Leikurinn fer fram annað kvöld á Laugardalsvelli og hefst kl. 19:15. Smelltu hér til að fara í miðasöluna
Tindastóll hefur unnið þrjú 2. deildarlið í Fótbolti.net-bikarnum.
Mynd: Sigurður Ingi Pálsson
