Bellingham verður heitasti bitinn á markaðnum á næsta ári en hann hefur slegið í gegn með Dortmund frá því hann kom frá Birmingham City fyrir tveimur árum.

Hann þykir með allra bestu miðjumönnum heims í dag og eru öll stærstu félög Evrópu með augun á honum.

Liverpool, Manchester-liðin og Real Madrid hafa verið sögð í baráttunni um leikmanninn en Plettenberg segir nú að Manchester United eigi enga möguleika á að fá hann.

Aðeins þrjú lið séu eftir í baráttunni en eins og staðan er núna virðist Liverpool líklegasti áfangastaðurinn. Verðmiðinn á Bellingham er í kringum 130 milljónir punda.

Bellingham er efstur á lista hjá Liverpool sem ætlar að bæta við sig að minnsta kosti tveimur miðjumönnum á næsta ári.