„Mér líður bara mjög vel, það er ekki annað hægt, góð frammistaða, góður leikur" sagði Lúðvík Gunnarsson, þjálfari u21 landslið Íslands eftir 6-2 sigri á Eistlandi.
Lestu um leikinn: Ísland U21 6 - 2 Eistland U21
Hvernig fannst þér Viktor Bjarki og Daníel Tristan spila saman?
„Þeir gerðu bara virkilega vel, smá tíma að ná taktinum í hvernig við vildum gera hlutina, en um leið þegar við náðum því þá fannst mér við bara gaman að horfa á þá, horfa á okkur spila sóknarleikinn sérstaklega í dag. Varnarleikurinn eftir að við náðum að laga svona ákveðin atriði sem við þurftum að laga, þá vorum við að mínu mati með þetta. Það er bara hrós á drengina fyrir að gera þessa hluti sem við viljum að gera bara einstaklega vel."
Hvernig fannst þér hápressan?
„Við vitum hvernig þeir spila og hvernig þeir vilja spila, við vorum búnir að undirbúa okkur fyrir það. Mér fannst við díla vel við það, við skorum náttúrulega strax eftir eina og hálfa mínútu. Eftir að við náðum aðeins að laga varnarleikinn okkar þá komust þeir lítt áleiðis, við getum alveg orðað þannig."
Eftir fyrsta markið og um það bil þegar Eistar skora sitt fyrsta var drop í frammistöðu?
„Nei, kannski ekki drop. Vorum dálítið slitnir, vorum ekki alveg að gera hlutina nákvæmlega sem við vildum gera. Þetta eru bara detailar, þetta er kannski meter hægri, meter til vinstri sem við þurftum að laga. Um leið og við löguðum það, það var ekki að menn voru droppa eða ekki leggja sig fram eða hlaupa. Heldur spurning um smáatriði, um leið og við löguðum það, þá komust þeir ekki nánast, ekki lönd né strönd. Þetta er bara spurning um það, ef menn gera það vel þá verður það erfitt fyrir eins og Eistana í dag."
Hvernig fannst þér varamennirnir koma inn í leikinn í dag?
„Þerir áttu náttúrulega frábæra innkomu, við töluðum aðeins um það í gær, hvað hópurinn væri í raun og veru breiður. Hausverkur þjálfarans er að velja ellefu sem starta, því að það eru margir sem koma til greina. Á sama tíma þá skiptir máli þegar að þú færð eitthvað hlutverk að þú neglir hlutverkið sem þú færð og ef þú ert í hlutverki varamanns þá verður þú að negla það eins vel og hægt er. Bæði í undirbúningi og aðdraganda leiksins og svo þegar þú kemur inn á. Þessir gaurar sem komu inn á í dag þeir gerðu það svo sannarlega. Það er virkilega bara stórt hrós á bæði þá sem starta og þá sem komu inn á."
Daníel Freyr Kristjánsson byrjaði á bekknu, af hverju var það?
„Við erum bara að hugsa vel um Daníel, hann er búin að vera í smá meiðsla periodi aðdraganda þessa glugga. Spilaði á sunnudaginn, núna er fimmtudagur, svo er mánudagur aftur leikur: Það var of mikið fyrir Daníel að spila þrjá 90 mínútna leiki á einni viku. Þannig að við erum að vera skynsamir, okkur fannst það tilvalið að koma honum inn í leikinn daginn í stað þess að byrja honum. Aftur það er annar leikur á mánudaginn."
Hvernig líður þér með næsta leik gegn Frökkum?
„Mér líst bara mjög vel á það. Það er skemmtilegt að spila við góð lið. Það er mikil áskorun fyrir okkur, bæði leikmenn og þjálfara að undirbúa lið fyrir leik gegn þessum sterku þjóðum. Ég er bara spenntur. Við erum búnir að undirbúa okkur vel og förum í það núna með drengjunum. Fókusið var á þennan leik en núna erum við að fara undirbúa þá fyrir þann leik. Svo er það spurning um þetta eins og ég sagði áðan að við executum það sem við viljum gera eins vel og hægt er."
Er raunhæft að vinna gegn Frökkum?
„Já, hundrað prósent. Værum ekki í þessu ef við teldum það ekki raunhæft. Við stefnum auðvitað á að ná í góð úrslit. Það er alltaf markmiðið."
