Malen, Maguire, Rashford, Greenwood, Yoro, Eriksen og fleiri góðir í slúðri dagsins
   sun 26. september 2021 14:45
Elvar Geir Magnússon
Sjálfkjörið í stjórn KSÍ - Vanda verður formaður
Vanda (fyrir miðju) verður formaður.
Vanda (fyrir miðju) verður formaður.
Mynd: KSÍ
Borghildur Sigurðardóttir.
Borghildur Sigurðardóttir.
Mynd: Fótbolti.net - Hafliði Breiðfjörð
Vanda Sigurgeirsdóttir verður formaður í bráðabirgðastjórn KSÍ en aukaþing verður haldið næsta laugardag. Engin mótframboð bárust í formannssætið.

Bráðabirgðastjórnin starfar fram að kosningum á næsta ársþingi KSÍ sem haldið verður í febrúar á næsta ári.

Borghildur Sigurðardóttir, Ingi Sigurðsson og Valgeir Sigurðsson sem voru í stjórn KSÍ tilkynntu í gærkvöldi að þau myndu bjóða sig fram aftur.

„Við undirrituð í stjórn KSÍ höfum tekið ákvörðun um að bjóða okkur fram í bráðabirgðastjórn KSÍ á aukaþingi sambandsins þann 2. október, er mun sitja fram að Ársþingi KSÍ 2022. Það gerum við eftir hvatningu aðildarfélaga víða um land og vonumst til þess að geta lagt okkar af mörkum ásamt þeim einstaklingum sem munu tæki sæti í bráðabirgðastjórn knattspyrnusambandsins," segir í yfirlýsingu sem þau þrjú sendu frá sér.

Þá hefur Þóroddur Hjaltalín sem var í varastjórn ákveðið að bjóða sig fram til endurkjörs en hann tilkynnti það í liðinni viku.

Eftirtaldir hafa boðið sig fram í embætti formanns KSÍ til bráðabirgða:
Vanda Sigurgeirsdóttir Reykjavík

Eftirtaldir hafa boðið sig fram í stjórn KSÍ til bráðabirgða:
Ásgrímur Helgi Einarsson Reykjavík
Borghildur Sigurðardóttir Kópavogi
Guðlaug Helga Sigurðardóttir Suðurnesjabæ
Helga Helgadóttir Hafnarfirði
Ingi Sigurðsson Vestmannaeyjum
Sigfús Kárason Reykjavík
Unnar Stefán Sigurðsson Reykjanesbæ
Valgeir Sigurðsson Garðabæ

Eftirtaldir hafa boðið sig fram í varastjórn KSÍ til bráðabirgða:
Kolbeinn Kristinsson Reykjavík
Margrét Ákadóttir Akranesi
Þóroddur Hjaltalín Akureyri
Athugasemdir
banner
banner
banner