Fotbolti.net
27.02.18 - 12:04
Magnús Már Einarsson

Aron Sig til Start (Staðfest)

Aron Sig til Start (Staðfest)
Canon

Mynd: Fótbolti.net - Hafliði Breiðfjörð

Norska félagið Start hefur keypt kantmanninn Aron Sigurðarson í sínar raðir frá Tromsö.

„Ég er mjög spenntur fyrir því að hefja nýtt tímabil með nýju félagi,\" sagði Aron í viðtali í heimasíðu Start.

Start komst upp í norsku úrvalsdeildina síðastliðið haust. Guðmundur Andri Tryggvason og Kristján Flóki Finnbogason spila með liðinu og Jóhannes Harðarson er aðstoðarþjálfari þar.
Hollenska félagið Twente vildi kaupa Aron í fyrra en ekkert varð af því. Aron var með samning við Tromsö út tímabilið en félagið ákvað að selja hann þegar tilboð kom frá Start.

„Ég vil spila í stærri deildum og vonandi getur Start hjálpað mér og ég hjálpað Start. Núna er ég hins vegar 100% einbeittur á að kynnast liðsfélögum mínum og spila vel hér,\" sagði Aron.

Hinn 24 ára gamli Aron skoraði þrjú mörk í 21 leik þegar Tromsö endaði í 11. sæti í norsku úrvalsdeildinni á síðasta tímabili.
Aron kom til Tromsö frá Fjölnis í byrjun árs 2016 og hann á því tvö tímabil að baki í Noregi.

Smelltu hér til að horfa á viðtalið í heidl á heimasíðu Start

Aron Sigurðsson (1993) has signed with Start. Congrats! 🇮🇸👏 #TeamTotalFootball pic.twitter.com/beuZzhRSkt

— Total Football (@totalfl) February 27, 2018

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.