Franska liðið Monaco er að fylgjast með stöðu mála hjá Alexandre Lacazette, framherja Arsenal, en leikmaðurinn hefur mikið verið á varamannbekknum upp á síðkastið.
Pierre-Emerick Aubameyang hefur byrjað frammi í síðustu fjórum leikjum en Lacazette á einungis ár eftir af samningi sínum við félagið.
Monaco mun reyna að fá Lacazette í sumar en ef það gengur ekki gæti Arsenal átt í hættu á því að missa Frakkann frítt sumarið 2022 þegar samningur hans rennur út.
Monaco vann öflugan sigur á meisturunum í PSG í síðustu umferð í frönsku deildinni en liðið er í fjórða sæti deildarinnar þegar tólf umferðir eru eftir og því dauðafæri á að spila í Evrópukeppni á næsta tímabili.
Athugasemdir
