Ýjar að því að Samúel spili ekki í kvöld - Upphæðin fjórar milljónir
Mynd: Fótbolti.net - Helgi Gunnarsson
Mynd: Fótbolti.net - Helgi Gunnarsson
Mynd: Fótbolti.net - Helgi Gunnarsson
„Samkomulagið milli félaganna er trúnaðarmál, en ég held það kannski gefi auga leið að það hvort hann spili á móti Stjörnunni hafi komið til álykta í viðræðum félaganna. Ég geri ekki ráð fyrir að hann taki þátt í leiknum," segir Björn Steinar Jónsson, formaður fótboltadeildar Vals, við Fótbolta.net í dag.
Talsvert hefur verið rætt og ritað um hvort Samúel Kári Friðjónsson muni spila með Val gegn Stjörnunni í kvöld en Samúel var keyptur til Vals á miðvikudaginn í síðustu viku. Samkvæmt heimildum Fótbolta.net kostaði Samúel um 12 milljónir króna og í Útvarpsþættinum Fótbolti.net á laugardag var fjallað um ákvæði sem segir að Stjarnan fái fjórar milljónir til viðbótar frá Val ef Samúel kemur við sögu í leiknum í kvöld.
Jökull Elísabetarson, þjálfari Stjörnunnar, ýjaði að slíkt ákvæði væri í samningnum í samtali við Vísi í dag.
Talsvert hefur verið rætt og ritað um hvort Samúel Kári Friðjónsson muni spila með Val gegn Stjörnunni í kvöld en Samúel var keyptur til Vals á miðvikudaginn í síðustu viku. Samkvæmt heimildum Fótbolta.net kostaði Samúel um 12 milljónir króna og í Útvarpsþættinum Fótbolti.net á laugardag var fjallað um ákvæði sem segir að Stjarnan fái fjórar milljónir til viðbótar frá Val ef Samúel kemur við sögu í leiknum í kvöld.
Jökull Elísabetarson, þjálfari Stjörnunnar, ýjaði að slíkt ákvæði væri í samningnum í samtali við Vísi í dag.
TENGT EFNI
Ætlar að halda með Samúel hjá Val - „Held að kaupverðið sé frekar eðlilegt"
„Auðvitað vona ég bara að Sammi spili og við fáum aðeins að glíma við hann og hann við okkur. Ég held að það sé nú ekki hægt að setja þannig í samninga að menn megi ekki spila. En ég held að það geti vel verið að það komi einhvers staðar niður á verðmiðanum á leikmanninum," sagði Jökull m.a. við Vísi.
Valsarinn Benedikt Bóas Hinriksson var gestur í Útvarpsþættinum Fótbolti.net og leyndi sér ekki að hann var ósáttur við Stjörnumenn að setja ákvæði í kaupsamninginn.
„Hann má spila en Valur þarf þá að borga fjórar milljónir aukalega. Það er ákvæði um að hann megi ekki spila, við erum ekki að fara að henda fjórum milljónum í þetta," sagði Benedikt og átti þá við að upphæðin væri það há að hún kæmi í veg fyrir að leikmaðurinn gæti spilað leikinn. Hægt er að hlusta á þáttinn hér að neðan.
Leikur Stjörnunnar og Vals hefst klukkan 19:15 á Samsungvellinum og er liður í 4. umferð Bestu deildarinnar.
Valsarinn Benedikt Bóas Hinriksson var gestur í Útvarpsþættinum Fótbolti.net og leyndi sér ekki að hann var ósáttur við Stjörnumenn að setja ákvæði í kaupsamninginn.
„Hann má spila en Valur þarf þá að borga fjórar milljónir aukalega. Það er ákvæði um að hann megi ekki spila, við erum ekki að fara að henda fjórum milljónum í þetta," sagði Benedikt og átti þá við að upphæðin væri það há að hún kæmi í veg fyrir að leikmaðurinn gæti spilað leikinn. Hægt er að hlusta á þáttinn hér að neðan.
Leikur Stjörnunnar og Vals hefst klukkan 19:15 á Samsungvellinum og er liður í 4. umferð Bestu deildarinnar.
Mynd: Fótbolti.net - Helgi Gunnarsson
