Stanislav Cherchesov, þjálfari rússneska landsliðsins, framlengdi í dag samning sinn við knattspyrnusambandið til ársins 2020.
Cherchesov gerði frábæra hluti með rússneska landsliðið á heimavelli á HM í sumar.
Hann fór með liðið alla leið í 8-liða úrslitin þar sem liðið tapaði í vítaspyrnukeppni.
Rússneska knattspyrnusambandið var afar ánægt með störf hans og ákvað því að framlengja samning hans til næstu tveggja ára.
Vladimir Putin, forseti Rússlands, mun taka á móti Cherchesov og leikmönnum rússneska landsliðsins á morgun í Kremlin en þar verður hópurinn heiðraður fyrir frammistöðu þeirra á HM.
Athugasemdir