Bestur í 14. umferð - Ofboðslega mikilvægur í okkar liði

Sindri Kristinn átti stórleik þegar Keflavík vann 2-0 heimasigur gegn Breiðablik í Pepsi Max-deildinni á mánudagskvöld.

Hafliði Breiðfjörð, sem var með lýsingu á leiknum, valdi Sindra sem besta mann vallarins. „Virkilega góður leikur hjá Sindra í dag og þá sér í lagi í fyrri hálfleiknum þegar hann varði oft á tíðum meistaralega vel. Besti maðurinn á vellinum í dag," skrifaði Hafliði í skýrslu sinni.

Sindri hefur nú verið valinn leikmaður umferðarinnar í boði Domino's en miðað við gang leiksins er með hreinum ólíkindum að Keflavík hafi fagnað sigri í leiknum.

Sjá einnig:
Úrvalslið 14. umferðar

Sigurður Ragnar Eyjólfsson, annar þjálfara Keflavíkur, var mjög ánægður með Sindra þegar hann var spurður út í hann í viðtali eftir leik.

„Sindri var frábær og er búinn að vera frábær í sumar fyrir okkur," sagði Siggi Raggi.

„Hann er ofboðslega mikilvægur í okkar liði, hefur stigið mikið upp og bætt sig mikið frá því í fyrra."

Hægt er að sjá allt viðtalið við Sigga Ragga hér að neðan.

Leikmenn umferðarinnar:
13. umferð: Sindri Snær Magnússon (ÍA)
12. umferð: Birkir Heimisson (Valur)
11. umferð: Beitir Ólafsson (KR)
10. umferð: Andri Yeoman (Breiðablik)
9. umferð: Hannes Þór Halldórsson (Valur)
8. umferð: Nikolaj Hansen (Víkingur)
6. umferð: Árni Elvar Árnason (Leiknir R.)
5. umferð: Orri Hrafn Kjartansson (Fylkir)
4. umferð: Ágúst Eðvald Hlynsson (FH)
3. umferð: Thomas Mikkelsen (Breiðablik)
2. umferð: Hallgrímur Mar Steingrímsson (KA)
1. umferð: Sölvi Geir Ottesen (Víkingur)