Fótbolti.net

Ísak Bergmann: Langt síðan við höfum farið ósigraðir úr glugga

Jón Dagur: Verður eins og Covid leikur

Ellefu dagar í Bestu - Gæðastjórinn útskýrir xF

Steini: Hún er á mun betri stað en fyrir hálfu ári

Davíð Örvar: Við gefum öllum liðum leik

Maggi: Hann átti frábæran leik í dag

41 árs Birkir Már: Vonandi í síðasta skipti sem ég næ ekki 90 mínútum

Valdimar Þór: Skil dómarann að gefa mér gult

Daniel Badu: Þessi leikur sýndi okkur að við eigum enn eitthvað í land

Sölvi Geir um óvænta innkomu Sveins Margeirs: Þetta er okkar leikmaður og við pössum upp á þá

„Þurfum að læra sem lið að loka þessum leikjum"

Mikael Egill svekktur: Hann hló og sagði ekki séns

Arnar: Leið eins og við værum að spila á móti liði frá 1980

Orri Steinn þakklátur - „Maður tekur þessu ekki sem sjálfsögðum hlut"

Jasmín Erla: Það er galið að maður sé að spila í þessu

Ian Jeffs: Ég ætla ekki að tjá mig um það

Tomasz Luba: Það er ekkert lélegt að koma hingað og tapa 3-1

„Frábær áskorun að vera spáð góðu gengi frekar en að vera brandaralið"

Siggi Höskulds: Eina markmið leiksins og vikunnar var að bæta fyrir það

Bjarni: Held ég hafi aldrei hitt hann svona vel

fös 28. maí 2021 22:35

Hafþór Bjarki Guðmundsson

Dean Martin: Ég er þreyttur, mjög þreyttur

Mynd: Fótbolti.net - Hafliði Breiðfjörð

Selfoss tók á móti Gróttu á JÁVERK-vellinum á Selfossi í kvöld. Leikurinn endaði með 3-3 jafntefli eftir að Grótta voru 0-3 yfir eftir klukktíma leik. Dean Martin, þjálfari Selfoss var þreyttur eftir leikinn.

„Ég er þreyttur, mjög þreyttur. En þetta var mikill karakter og strákarnir sýndu það í kvöld. Sýndu hvað þeir geta ef þeir standa saman."

Lestu um leikinn: Selfoss 3 - 3 Grótta

Selfoss skoruðu öll þrjú mörk sín í seinni hálfleik og á 10 mínútna kafla. Dean vildi ekki segja okkur frá því sem hann sagði við sína menn í hálfleik.

„Ég vil ekki segja það á myndavél. Við erum betri en við sýndum í fyrri hálfleik. Það var bara svoleiðis, fara út og nýta aðstæður. Það var mikið rok og við nýttum aðstæður og sýndum það sem þarf að gera til þess að ná í stig."

Dean gerði tvær skiptingar í síðari hálfleik og setti hann þá Aron Einarsson og Valdimar Jóhannsson inn á 53. og 60. mínútu en fyrsta mark Selfyssinga kom á 64. mínútu. Valdimar átti annað mark Selfoss og vann vítið sem Tokic skorar þriðja markið úr. Aron átti einnig part í fyrsta marki Selfyssinga. Dean var sáttur með innkomu þeirra.

„Ég er alltaf að segja, ef þú ætlar að koma inná komdu þá inná til að gera eitthvað. Ekki bara koma inná til að koma inná, þú verður að sýna af hverju þú átt ekki að vera á bekknum. Koma inná og breyta leiknum, þú vilt ekki að menn séu að koma inná bara til að koma inná."

Á 38. mínútu fá Gróttumenn óbeina aukaspyrnu í markteig Selfyssinga eftir að Adam Örn varnarmaður Selfoss rennir sér inn í sendingu Kristófers Orra og boltinn endar hjá Stefáni í markinu og hann tekur boltann upp með höndum. Selfyssingar voru virkilega ósáttir með þennan dóm og uppskar Dean Martin gult spjald fyrir mótmæli meðal annars.

„Ég vil ekki tjá mig um þetta í rauninni. Ég fékk gult ég vildi ekki fá eitthvað meira, það var bara nóg."

Næsti leikur Selfoss er útileikur gegn Grindavík. Dean ætlar sér að fara inn í þann leik til að vinna.

„Planið er bara að reyna að vinna alla fótboltaleiki og fara inná að spila en ef við sínum sama karakter og við sýndum í seinni hálfleik í dag eigum við tækifæri á að vinna fótboltaleik. Þetta er bara ekki gefast upp, hafa trú á verkefninu. Hafa gaman af þessu!"

Viðtalið í heild sinni má finna í sjónvarpinu hér að ofan