29.03.26 - 13:57
Brynjar Ingi Erluson
Draumavika hjá Lindu Líf - Hafrún Rakel á skotskónum
Á dögunum var Linda Líf kölluð í A-landsliðshópinn í fyrsta sinn og í dag skoraði hún og lagði upp fyrir Kristianstad
Mynd: Fótbolti.net - Hafliði Breiðfjörð
Á dögunum var Linda Líf kölluð í A-landsliðshópinn í fyrsta sinn og í dag skoraði hún og lagði upp fyrir Kristianstad
Mynd: Fótbolti.net - Hafliði Breiðfjörð
Linda Líf Boama er að eiga einhverja bestu viku sem hún hefur átt á ferlinum, en hún skoraði og lagði upp í 3-2 sigri Kristianstad á Piteå í dag.
TENGT EFNI
Steini: Linda Líf er áhugaverður leikmaður
Framherjinn var á dögunum valin í A-landslið kvenna í fyrsta sinn og hélt upp á það með stjörnuframmistöðu í sænsku deildinni.
Linda lagði upp fyrsta mark Kristianstad sem kom liðinu í 1-0 áður en heimakonur í Piteå jöfnuðu metin rúmum tuttugu mínútum síðar.
Undir lok fyrri hálfleiks skoraði Linda síðan annað mark Kristianstad sem var hennar fyrsta deildarmark með liðinu og þriðja markið í öllum keppnum síðan hún kom frá Víkingi.
Alexandra Jóhannsdóttir var einnig í byrjunarliði Kristianstad en Elísa Lana Sigurjónsdóttir kom inn af bekknum. Kristianstad mætir næst Djurgården, en María Catharina Ólafsdóttir Gros leikur með liðinu.
Hildur Antonsdóttir byrjaði hjá Madrid CFF sem tapaði fyrir Tenerife, 2-0, í Liga F á Spáni. Madrid er í 10. sæti með 31 stig.
Hafrún Rakel Halldórsdóttir gerði þá annað mark Bröndby í 3-0 sigri á Kolding. Þetta var sjöunda markið sem hún skorar á þessu tímabili en Bröndby er í 3. sæti meistarariðilsins í dönsku úrvalsdeildinni með 31 stig, sex stigum frá toppnum.
Linda lagði upp fyrsta mark Kristianstad sem kom liðinu í 1-0 áður en heimakonur í Piteå jöfnuðu metin rúmum tuttugu mínútum síðar.
Undir lok fyrri hálfleiks skoraði Linda síðan annað mark Kristianstad sem var hennar fyrsta deildarmark með liðinu og þriðja markið í öllum keppnum síðan hún kom frá Víkingi.
Alexandra Jóhannsdóttir var einnig í byrjunarliði Kristianstad en Elísa Lana Sigurjónsdóttir kom inn af bekknum. Kristianstad mætir næst Djurgården, en María Catharina Ólafsdóttir Gros leikur með liðinu.
Hildur Antonsdóttir byrjaði hjá Madrid CFF sem tapaði fyrir Tenerife, 2-0, í Liga F á Spáni. Madrid er í 10. sæti með 31 stig.
Hafrún Rakel Halldórsdóttir gerði þá annað mark Bröndby í 3-0 sigri á Kolding. Þetta var sjöunda markið sem hún skorar á þessu tímabili en Bröndby er í 3. sæti meistarariðilsins í dönsku úrvalsdeildinni með 31 stig, sex stigum frá toppnum.
