Mourinho var allt annað en sáttur með að dómarinn hafi tekið mark af Edin Dzeko í leiknum.

Dzeko var dæmdur rangstæður og brjálaðist Mourinho yfir dómnum, en hann vildi ólmur sanna mál sitt um að Dzeko hafi verið réttstæður.

Portúgalinn dró fram fartölvuna og stillti henni upp fyrir framan myndavélina. Cihan Aydin, dómari leiksins, hafði ekki neitt sérstaklega gaman af þessu uppátæki Mourinho og spjaldaði hann fyrir.

Fenerbahce hafði 2-0 sigur í leiknum. Dusan Tadic skoraði fyrra mark liðsins en seinna markið var sjálfsmark frá Thalisson Kelven.

Fenerbahce er í öðru sæti tyrknesku deildarinnar með 16 stig, þremur á eftir erkifjendum þeirra í Galatasaray.