„Það kemur okkur ekki á óvart að vera á toppnum, það var markmiðið. Deildin hefur spilast upp og niður, við höfum átt mjög góða leiki en svo höfum við aðeins strögglað á milli. En öll liðin í kringum okkur hafa líka verið að ströggla. Þetta er bara hörkuspennandi deild."

„Í lok mars hefst úrslitakeppnin þar sem efstu sex liðin spila innbyrðis. Þetta er hörkujafnt núna. Liðin frá 1. til 5. sætis eru mjög jöfn. Það er hörkuspenna og við erum mjög spenntar að takast á við þennan seinni hluta."

„Danska deildin er hörku deild, sérstaklega núna. Það er búið að vera mikið af jöfnum leikjum, allir einhvern veginn að vinna alla og leikur gegn botnliðinu er ekki auðveld þrjú stig. Það er mjög skemmtilegt, allt smá krefjandi sem er það sem maður vill."

Bröndby er með eins stigs forskot á toppi deildarinnar með 28 stig eftir fjórtán umferðir. Deildin hefst aftur í mars og þá spilar liðið tvisvar við hin liðin í topp sex. Fyrsti leikur eftir vetrarfrí er gegn Kolding í 8-liða úrslitum bikarsins.

„Bröndby vann síðast titilinn 2019 og það er kominn tími á annan. Ég held að félagið hafi unnið deildina alls tólf sinnum en hefur verið smá lægð núna. Við erum á flottu róli núna, erum með flottan hóp og erum að fá liðsstyrk. Við stefnum á tvennuna."

En að meiðslunum, Kristín sleit krossband snemma árs 2022. Var endurkomuferlið lengra en hún bjóst við?

„Nei, ég var eiginlega undirbúin fyrir þetta. Ég þurfti að bíða í tvo mánuði til að komast í aðgerð og það var extra langt. En eftir aðgerðina gekk allt rosa vel og ég var í góðum höndum hérna heima til að byrja með. Það hefur allt gengið mjög vel og ég finn ekkert fyrir því núna. Ég er ekkert að pæla í því lengur sem er mjög gott."

Hún hefur bæði spilað sem miðvörður og hægri bakvörður á tímabilinu. Hjá Breiðabliki þar sem hún lék áður en hún fór til Bröndby spilaði hún oftast í miðverðinum. „Það er búið að vera smá flakk. Við erum búin að spila meira en eitt kerfi. Í síðustu sex leikjum hef ég leyst hægri bakvörðinn. Það hefur gengið mjög vel, gaman að takast á við eitthvað nýtt, þetta er aðeins öðruvísi og ég er meira að sækja (en ég er vön). Ég stefni alltaf á að spila, ég er nokkuð sátt sama hvar það er."

Hvernig er lífið í Kaupmannahöfn?

„Við getum ekki kvartað, erum 20 mínútur frá bænum, ég bý nálægt vellinum og þetta hentar allt mjög vel."

Kristín á hálft ár eftir af samningi sínum við danska félagið. Hvað langar hana að gera varðandi framhaldið?

„Ég ætla sjá til hvað verður í boði. Mig langar auðvitað að fara eitthvað stærra. Það er markmiðið og sérstakleglega ef ég spila mikið og okkur gengur vel eins og það hefur verið að undanförnu. Ég er opin fyrir öllu og vonandi kemur eitthvað skemmtilegt," Kristín.

Í viðtalinu ræðir hún einnig um komu Hafrúnar Rakelar Halldórsdóttur til Bröndby, íslenska landsliðið og Breiðablik.