Wilson Isidor fagnar marki fyrir Sunderland.
Það var mikið fagnað á Haítí þegar liðið tryggði sér HM sæti.
Ísland leikur vináttulandsleik gegn Haítí klukkan 16:30 á morgun (að íslenskum tíma) en líklegt er að Wilson Isidor, sóknarmaður enska úrvalsdeildarliðsins Sunderland, muni spila sinn fyrsta byrjunarliðsleik fyrir Haítí.
Isidor er 25 ára og fæddist í Frakklandi en fékk nýlega grænt ljós á að spila fyrir Haítí en afi hans er frá eyríkinu.
Isidor lék fyrir yngri landslið Frakkland upp í U20 en sá ekki fram á að geta brotið sér leið inn í ógnarsterkt A-landslið þjóðarinnar.
Isidor er 25 ára og fæddist í Frakklandi en fékk nýlega grænt ljós á að spila fyrir Haítí en afi hans er frá eyríkinu.
Isidor lék fyrir yngri landslið Frakkland upp í U20 en sá ekki fram á að geta brotið sér leið inn í ógnarsterkt A-landslið þjóðarinnar.
Isidor lék sinn fyrsta landsleik fyrir Haítí þegar hann kom af bekknum í 1-0 tapi gegn Túnis á laugardaginn en Haítí verður með á HM í sumar.
Hann fór feikilega vel af stað með Sunderland á þessu tímabili og var kominn með fjögur mörk eftir níu umferðir. Hann hefur hinsvegar ekki skorað síðan og mínútunum farið fækkandi.
Tveir leikmenn úr ensku úrvalsdeildinni spila fyrir Haítí, á síðasta ári fékk Jean?Ricner Bellegarde, miðjumaður Wolves, keppnisleyfi með þjóðinni en hann fæddist einnig í Frakklandi.
Leikur Íslands og Haítí á morgun verður sögulegur fyrir þær sakir að þjóðirnar hafa aldrei áður og raunar hefur ekkert íslenskt fótboltalandslið áður mætt Haítí. Haítí er í 82. sæti heimslista FIFA, átta sætum neðar en Ísland.
Leikurinn verður spilaður án áhorfenda þar sem miðasala var það dræm að ekki þótti standa undir kostnaði að vera með áhorfendur.
Athugasemdir
