Leikurinn var lengi að byrja út af eldingaviðvörun við völlinn. Leikmenn þurftu að fara inn í upphitun, komu svo út og þurftu að fara aftur inn. Leiknum hefði verið aflýst þriðja viðvörunin hefði komið, en sem betur fer gat leikurinn farið í gang.

Það var fátt um fína drætti í fyrri hálfleik og var staðan markalaus að honum loknum.

En eftir klukkutíma leik braut Gylfi Þór Sigurðsson ísinn með sínu 28. landsliðsmarki. Logi Tómasson og Stefán Teitur Þórðarson gerðu vel í undirbúningnum og Gylfi kláraði vel.

Eftir því sem leið á seinni hálfleikinn þá setti Haítí meiri kraft í sóknarleik sinn og það skilaði þeim jöfnunarmarki undir lok. Þar var að verki Wilson Isidor, sóknarmaður Sunderland.

Ísland gerði því jafntefli í báðum leikjum sínum í Kanada, fyrst gegn heimamönnum og svo gegn Haítí. Í báðum þessum leikjum missti íslenska liðið niður forystu, 2-0 gegn Kanada og 1-0 í kvöld. Eitthvað sem þarf klárlega að laga.