Selfyssingar ætla ekki að semja við norska miðjumanninn Martin Haanes sem hefur verið til skoðunar hjá liðinu í vikunni en þetta staðfesti Óskar Sigurðsson formaður knattspyrnudeildar í samtali við Fótbolta.net í dag.
Haanes er 21 árs gamall en hann hefur æft með Selfyssingum frá því á þriðjudag.
Hann hefur fengið fá tækifæri með Hödd sem leikur í B-deildinni í Noregi í sumar og því ákvað hann að reyna fyrir sér á Íslandi.
Hafþór Þrastarson, varnarmaður FH, er á leið til Selfyssinga á láni og ekki er útilokað að félagið fái frekari liðsstyrk áður en félagaskiptaglugginn lokar á sunnudag.
Næsti leikur Selfyssinga er gegn Val á heimavelli á sunnudag en liðið er sem stendur í næstneðsta sæti deildarinnar.
Athugasemdir