Ásgerður Stefanía Baldursdóttir, leikmaður Stjörnunnar, er spennt fyrir viðureign liðsins gegn Þór/KA í 8-liða úrslitum Borgunarbikarsins.
Stjarnan fékk heimaleik gegn Norðanstúlkum og er ljóst að liðið fer erfiðu leiðina í ár þar sem Garðbæingar slógu út Breiðablik í 16-liða úrslitunum á föstudaginn.
Stjarnan fékk heimaleik gegn Norðanstúlkum og er ljóst að liðið fer erfiðu leiðina í ár þar sem Garðbæingar slógu út Breiðablik í 16-liða úrslitunum á föstudaginn.
„Það er fínt að fá hörkuleik í þessum bikar líka," sagði Ásgerður, sem stefnir á úrslitaleikinn í ár.
„Maður er í þessu til að fara alla leið í þessum bikar. Það er ógeðslega gaman að spila á vellinum og taka daginn, þetta er skemmtilegur dagur."
Ásgerður verður í eldlínunni í kvöld þegar Stjarnan mætir Blikum á ný í kvöld.
„Tveir skemmtilegir leikir, nú förum við á gras og sjáum hvort liðið er betra á grasi."
Athugasemdir