Guardian greinir frá þessu, en Jürgen Klopp, stjóri Liverpool, er lengi búinn að fylgjast með leikmanninum og nú virðist hann ætla að fá hann til Liverpool.

Zielinski átti mjög sterkt tímabil með Empoli, en þar var hann í láni frá Udinese. Udinese vill fá 12 milljónir punda fyrir leikmanninn, en Napoli er einnig búið að leggja fram tilboð.

„Liverpool er búið að gera tilboð í hann og Zielinski vill fara þangað, en við erum að reyna að sannfæra hann um að koma hingað vegna þess að við erum með samkomulag við Udinese," er haft eftir Aurelio De Laurentiis, forseta Napoli.

Zielinski spilaði undir stjórn Maurizio Sarri, núverandi stjóra Napoli, hjá Empoli og er Sarri sagður spenntur fyrir því að vinna með miðjumanninum aftur.

Ef Liverpool kaupir hann þá yrði hann fjórðu kaup sumarsins hjá félaginu. Áður hafði félagið samið við Marko Grujic, Joel Matip og Loris Karius.