Framherji Leicester, Leonardo Ulloa er sagður vilja fara frá ensku meisturunum en hann hefur lítið fengið að spila á þessu tímabili.
Argentínumaðurinn hefur aðeins byrjað einn leik á þessu tímabili og var það gegn Middlesbrough þann 2. janúar.
Ulloa á 18 mánuði eftir af samningi sínum við Leicester og hefur Claudio Ranieri, stjóri Leicester sagt vilja halda leikmanninum.
Leicester neitaði 9 milljóna punda tilboði í leikmanninn í sumar og þá hafði spænskt félag áhuga á að fá leikmanninn núna í janúar en Leicester neitaði því.
Nokkur spænsk lið hafa áhuga á Ulloa og má búast við fleiri tilboðum í leikmanninn í janúar.
Athugasemdir