Dimitar Berbatov talaði vel um sín gömlu félög, Tottenham og Fulham, sem mætast í enska bikarnum hér rétt á eftir.
Berbatov gekk til liðs við Tottenham sumarið 2006 frá Leverkusen og skoraði hann 27 mörk í 70 leikjum fyrir liðið áður en Manchester United keypti hann fyrir metfé árið 2008.
Eftir fjögur ár hjá Sir Alex Ferguson skellti hann sér í Fulham þar sem hann skoraði 19 mörk í 51 leikjum en Búlgarinn knái er í dag án félags, 36 ára gamall.
„Ég átti frábæran tíma hjá Tottenham og þar fékk ég tækifærið til að sýna hvað ég gat á Englandi," sagði Berbatov við BBC.
„Ég átti líka frábærar stundir hjá Fulham og skoraði mörg mörk. Bæði lið eiga sinn stað í hjarta mínu."
Athugasemdir