Í fyrsta sinn í hóp hjá Valerenga eftir árs bið
Samúel Kári Friðjónsson var í leikmannahópnum hjá Valerenga er liðið mætti Lilleström í norsku úrvalsdeildinni í dag.
Þetta var í fyrsta skipti sem Samúel Kári var í hóp í norsku úrvalsdeildinni síðan hann kom til Valerenga frá Reading í fyrrasumar.
Þetta var í fyrsta skipti sem Samúel Kári var í hóp í norsku úrvalsdeildinni síðan hann kom til Valerenga frá Reading í fyrrasumar.
Samúel Kári sleit krossband á einni af sinni fyrstu æfingum með Valerenga.
Hann kom því miður ekki við sögu, en hann sat allan tímann á varamannabekknum þegar Valerenga vann flottan sigur.
Valerenga lenti undir 1-0 í leiknum í dag gegn Lilleström, en kom til baka og vann að lokum 3-1 sigur.
Eftir langa fjarveru hefur Samúel Kári komið til baka að undanförnu en hann hefur leikið þrjá leiki með varaliði Valerenga í 2. deildinni auk þess sem hann spilaði með U21 árs landsliði Íslands gegn Englandi á dögunum.
„Þetta hefur verið stórt próf í þolinmæði. Það er stórt fyrir mig að vera loksins klár í slaginn," sagði Samúel við Dagsavisen á dögunum.
Athugasemdir