Haukar jöfnuðu í uppbótartíma
Fylkir situr á toppnum í Inkasso-deild kvenna ásamt ÍA með fullt hús stiga. ÍA vann Fjölni fyrr í dag í hörkuleik, en núna áðan var að klárast leikur Fylkis og Hamranna fyrir norðan á Akureyri.
Thelma Lóa Hermannsdóttir kom Fylki yfir á 11. mínútu en Hamrarnir voru búnir að jafna fyrir hálfleik.
Thelma Lóa Hermannsdóttir kom Fylki yfir á 11. mínútu en Hamrarnir voru búnir að jafna fyrir hálfleik.
Staðan var 1-1 í hálfleik, en í seinni hálfleiknum reyndust Fylkiskonur sterkari. Margrét Björg Ástvaldsdóttir kom Fylki yfir á 67. mínútu og Marija Radojicic gerði út um leikinn nokkru síðar.
Fylkir féll úr Pepsi-deildinni í fyrra ásamt Haukum. Haukar spiluðu heimaleik í kvöld við Aftureldingu/Fram.
Afturelding/Fram komst þar yfir eftir stundarfjórðung og það stefndi allt í sigur gestanna áður en Haukar jöfnuðu í uppbótartíma. Haukar eru með fjögur stig eftir þrjá leiki en Afturelding/Fram er með þrjú.
Hamrarnir 1 - 3 Fylkir
0-1 Thelma Lóa Hermannsdóttir ('11)
1-1 Rakel Sjöfn Stefánsdóttir ('30)
1-2 Margrét Björg Ástvaldsdóttir ('67)
1-3 Marija Radojicic ('78)
Haukar 1 - 1 Afturelding/Fram
0-1 Rakel Lind Ragnarsdóttir ('15)
1-1 Sigurrós Eir Guðmundsdóttir ('90)
Markaskorarar af urslit.net
Athugasemdir