Öðrum leik dagsins og sumarsins í Pepsi-deild karla var að ljúka, en ÍBV fékk ÍA í heimsókn til Vestmannaeyja.

ÍBV klæddist sérstökum treyjum til minningar um Abel Dhaira, fyrrum markvörð liðsins, en ÍBV náði forystunni eftir aðeins níu mínútna leik þegar Simon Kollerud Smidt skoraði eftir sendingu frá Aroni Bjarnasyni.

Aron var síðan sjálfur á ferðinni stuttu síðar og áður en fyrri hálfleik lauk skoraði Sindri Snær Magnússon eftir langt kast frá markverðinum Derby Carrilloberduo.

Staðan var 3-0 í hálfleik fyrir ÍBV, en Charles Vernam kláraði leikinn endanlega með stórkostlegu marki.

4-0 sigur ÍBV staðreynd og frábær byrjun hjá þeim á mótinu, en ÍA þarf að girða sig í brók ef ekki illa á að fara.

Skýrsla og viðtöl koma inn á eftir.