Þýski snillingurinn Marco Reus lék sinn fyrsta deildarleik á tímabilinu fyrir Borussia Dortmund í gær en meiðsli hafa haldið honum frá vellinum í vetur.
Það er óhætt að segja að Reus hafi komið af miklum krafti inn í lið Dortmund en hann átti frábæran leik í Meistaradeildinni á dögunum og lagði svo upp þrjú mörk í 4-1 sigri á Borussia Mönchengladbach í gær.
Tvö af þessum mörkum voru skoruð af markahróknum Pierre Emerick-Aubameyang og hann fagnar því að vera farinn að spila við hlið Reus að nýju.
„Þetta var mjög mikilvægur sigur fyrir okkur og það er alltaf gott að vinna á heimavelli. Við uppskárum eftir að hafa unnið mjög vel í vikunni."
„Reus er fyrir mér eins og bróðir. Ég er ánægður að hann sé byrjaður að spila aftur og það hjálpar mér í baráttunni um markakóngstitilinn. Ég er framherji og að sjálfsögðu vil ég vera markahæstur," segir Aubameyang.
Athugasemdir