Theódór var ekki sáttur eftir tapið.
„Það er hundfúlt að tapa þar sem að taktíkin okkar gekk upp. Þær voru ekki að opna okkur mikið og við fengum á okkur þrjú aulamörk," sagði Theódór Sveinjónsson þjálfari Aftureldingar eftir 3-1 tap gegn Stjörnunni í Pepsi-deild kvenna í kvöld.
Afturelding komst óvænt yfir gegn Íslandsmeisturunum í fyrri hálfleiknum í kvöld en Harpa Þorsteinsdóttir jafnaði tveimur mínútum síðar.
„Þetta var helvítis kæruleysi. Fyrstu mínúturnar eftir mark þarf maður að vera á tánum en við vorum það alls ekki. Við vorum sofandi, að laga á okkur hárið eða eitthvað."
Félagaskiptaglugginn opnar eftir viku og Afturelding gæti fengið liðsstyrk þá. „Gámurinn er í tollinum og allt í gangi. Ég er að safna pening. Ég stend fyrir utan Krónuna um helgina og safna fjárframlögum," sagði Theódór léttur.
„Að sjálfsögðu reynum við að styrkja hópinn. Við erum ekki búin að segja okkar síðasta. Við ætlum ekki að leggjast niður og grafa gröf. Við munum berjast til síðasta blóðdropa."
Hér að ofan má sjá viðtalið í heild sinni.
Athugasemdir
