Lið Chapecoense í fagnaðarlátum nokkrum vikum fyrir flugslysið.
Spænska stórveldið Barcelona hefur boðið brasilíska liðinu Chapecoense að leika í boðsmóti á næsta undirbúningstímabili, Joan Gamper bikarnum.
Langflestir leikmenn og starfslið Chapecoense fórust í flugslysi í Kólumbíu þar sem 71 týndi lífi en liðið var á leið í úrslitaleik í Copa Sudamericana.
Fótboltaheimurinn hefur rétt fram hjálparhönd og mun Brasilía leika gegn Kólumbíu í styrktarleik í janúar.
„Með þessu viljum við votta þeim sem létust og aðstandendum þeirra virðingu okkar," segir í tilkynningu Barcelona.
Athugasemdir
