Haukur Páll fékk gult spjald í kvöld.
Haukur Páll Sigurðsson, fyrirliði Valsara, var ánægður með öruggan þriggja marka sigur gegn Leikni Reykjavík í úrslitaleik Reykjavíkurmótsins.
Valsarar komust tveimur mörkum yfir, urðu manni færri og héldu vörninni þéttri út leikinn áður en þeir bættu þriðja markinu við undir lokin.
Valsarar komust tveimur mörkum yfir, urðu manni færri og héldu vörninni þéttri út leikinn áður en þeir bættu þriðja markinu við undir lokin.
,,Við fengum ekki mörg færi á okkur, það voru í mesta lagi einhver hálffæri. Við lærðum af síðasta leik þar sem við lentum manni færri," sagði Haukur Páll.
Sigurður Egill Lárusson skoraði fyrsta mark leiksins fyrir Val og lét svo reka sig af velli eftir 37 mínútna leik þegar hann ákvað að dýfa sér í tilraun til að fiska vítaspyrnu. Haukur sagðist vera sammála ákvörðun dómarans.
,,Þetta var klár dýfa og sekt. Hann er eitthvað að reyna að þræta fyrir þetta en ég sekta hann fyrir þetta, það er klárt, heimskulegt gult spjald.
,,Við þéttum okkur vel og töluðum vel saman í hálfleik. Við töluðum um að halda betur í boltann og mér fannst við gera það vel. Það hjálpar manni mikið, maður þreytist minna og það svona skilaði þessum sigri, varnarsigur.
,,Við tökum þátt í þessu móti til að vinna það. Margir tala um að það sé slæmt að vinna Reykjavíkurmótið en það er bara þvæla, þetta eru æfingaleikir og menn vilja vinna alla leiki sem þeir taka þátt í."
Athugasemdir
