Lestu um leikinn: Færeyjar 0 -  5 Ísland

Staðan var 1-0 í hálfleik en eftir að fyrsta markið datt í seinni hálfleiknum var alveg ljóst í hvað stefndi í. Að lokum var þægilegur 4-0 sigur Íslands staðreynd.

„Ég var aldrei smeykur, ég var bara pirraður á köflum. Þetta var fagmannlega unnið en það eina sem ég er ósáttur við er spjaldið sem Harpa fékk. Það var algjör þvæla."

„Þetta getur skipt öllu máli fyrir okkur. Harpa er komin með tvö gul spjöld og ef þú færð þrjú ertu komin í bann. Það eru þrír leikir eftir og þetta er dýrt."

Harpa fékk spjaldið fyrir leikaraskap en í samtali við Fótbolta.net sagðist hún ekki „vera góð í að láta sig detta."

Ísland er í öðru sæti riðils síns, tveimur stigum á eftir Þýskalandi. Ísland á leik til góða á Þýskaland. Framundan í sumar og haust eru heimaleikir gegn Slóveníu, Þýskalandi og Tékklandi. Þessir leikir munu skera úr um það hvort Ísland fer á HM eða ekki en möguleikinn er klárlega til staðar og hefur sjaldan ef aldrei verið betri.

„Taflan lítur vel út og við erum í þeirri stöðu sem við vildum vera í. Okkur hlakkar til að koma heim og spila. Við spilum við Slóveníu fyrst og svo eru það allir Íslendingar í bátana og við klárum vondu karlana frá Þýskalandi," sagði Freyr að lokum.