England er búið að tryggja sér efsta sætið í riðlinum en liðið hefur fullt hús stiga eftir níu leiki og hefur aðeins fengið á sig þrjú mörk í allri undankeppninni.

Carrick og Rooney voru fjarri góðu gamni í gærkvöldi þegar liðið vann 2-0 sigur á Eistlandi á Wembley en Milner, Cahill og Hart spiluðu allan leikinn.

Roy Hodgson staðfesti eftir leikinn að þessir fimm leikmenn myndu fara til félagsliða sinna en ekki er búið að tilkynna hvort aðrir leikmenn komi inn í hópinn í þeirra stað.