Aron Einar Gunnarsson, fyrirliði Íslands, var að mörgu leyti ánægður með spilamennsku liðsins í kvöld þó úrslitin hafi verið svekkjandi.
Lestu um leikinn: Tyrkland 1 - 0 Ísland
„Þetta var svekkjandi tap en aðalmálið var að laga það sem fór úrskeiðis gegn Lettum, mér fannst við gera það. Það var leiðinlegt að tapa þessu en það er erfitt að verjast svona aukaspyrnu sem syngur í „samúel" en mér fannst þetta aldrei vera aukaspyrna. Það þýðir ekki að pirra sig á þessu núna," sagði Aron eftir leikinn.
„Við vorum „solid" og þeir sköpuðu sér ekki mörg færi. Aftur á móti vorum við heldur ekki að skapa okkur mörg færi."
Ísland er komið í lokakeppni stórmóts í fyrsta sinn.
„Ef við erum ekki sáttir eftir þessa undankeppni er eitthvað að. Við erum búnir að spila vel og erum að bæta okkur. Við getum verið virkilega stoltir og ég reikna með því að Íslendingar séu það. Þetta er búið að vera æðislegt."
Viðtalið má sjá í heild í sjónvarpinu hér að ofan.
Athugasemdir