Ólafur Ingi Skúlason á leið inn á völlinn í dag.
Ólafur Ingi Skúlason var fyrirliði Íslands gegn Möltu í æfingaleik í dag.
Ísland vann leikinn örugglega, 2-0, með mörkum frá Arnóri Ingva Traustasyni og Sverri Inga Ingasyni. Ólafur var sáttur við frammistöðuna hjá íslenska liðinu.
Ísland vann leikinn örugglega, 2-0, með mörkum frá Arnóri Ingva Traustasyni og Sverri Inga Ingasyni. Ólafur var sáttur við frammistöðuna hjá íslenska liðinu.
„Það var gaman. Við vorum með nýtt lið í dag og ég er ánægður með að við spiluðum þetta nokkuð vel. Við vorum smá stund að finna hvorn annan í fyrri hálfleik en heilt yfir þægilegur og góður sigur."
Hann var svo vissulega stoltur á að hafa borið fyrirliðabandið í dag.
„Ég er stoltur af því og það er algjör draumur að ganga inn sem fyrirliði. Það er mikill heiður og ég er ánægður með það."
Ólafur fór svo betur yfir frammistöðu Íslands í leiknum og sagði hann Maltverja ekki hafa skapað mikið.
„Við vorum töluvert betri og einu möguleikarnir sem þeir fengu var þegar við vorum að spila okkur í smá vesen og það var einbeittingarleysi. Í fyrri hálfleik vantaði tempó, við vorum of lengi að láta boltann ganga og hægir að taka ákvarðanir. Það er eðilileg því við erum ekki þjálfaðir í að spila saman. Strax eftir markið vorum við með tögl og haldir á þessum leik. Við gerðum þetta mjög pro og vorum flottir í dag," sagði Ólafur Ingi.
Athugasemdir
