„Djibril Sidibe valdi Mónakó framyfir Arsenal. Hann er í franska landsliðinu og getur beðið eftir tilboði frá einhverju af stóru félögunum í Evrópu," sagði Vadim Vasilyev, varaforseti Mónakó.

„Sidibe á þetta allt skilið, hann er gríðarlega hæfileikaríkur og stór partur af velgengni félagsins á tímabilinu."

Mónakó er á toppi frönsku deildarinnar og líklegt til að hreppa titilinn af Paris Saint-Germain sem hefur verið langbesta lið Frakklands undanfarin ár.