Sky Sports greinir frá því í dag að Gylfi Þór Sigurðsson sé á óskalista Southampton fyrir sumarið.

Hinn 27 ára gamli Gylfi hefur verið frábær með Swansea á þessu tímabili en hann er samningsbundinn félaginu til ársins 2020.

Gylfi hefur skorað níu mörk í ensku úrvalsdeildinni á þessu tímabili og lagt upp níu.

Ljóst er að mörg félög verða í baráttunni um Gylfa í sumar en hann var meðal annars orðaður við Everton á dögunum.