Fram er í 5. sæti Inkasso deildarinnar, fimm stigum frá toppsæti en brottreksturinn kemur í kjölfar tveggja tapleikja gegn Þór og Fylki.

„Ég taldi mig vera á ágætis leið að byggja upp klúbb sem var ekki á of góðum stað en stjórnin telur annað. Stjórnin telur árangurinn óásættilegan og telur að þetta sé leiðin til að bæta árangurinn," sagði Ásmundur við Fótbolta.net en var honum semsagt bara sagt upp?

,,Já það er bara þannig," svaraði hann. ,,Ég teldi mig vera á réttri leið með liðið en þeir eru ekki sammála og þeir ráða. Auðvitað er ég ósáttur. Ég er búinn að leggja mikið í þetta. Mér var tilkynnt þetta á fundi í dag."

„Skýringarnar sem ég fæ eru að árangur liðsins og spilamennska séu óásættanleg. Það má segja að ég sé sjokkeraður. Það var frídagur hjá liðinu í dag svo ég hafði ekki möguleika á að kveðja þá í dag," sagði hann að lokum. 

 Sjá einnig:
Ólafur Brynjólfsson stýrir Fram á fimmtudaginn