Heimild: ESPN
Hvers á Mario Balotelli að gjalda?
Liverpool fjarlægði í dag nafn Mario Balotelli í kosningu á vef félagsins um leikmann ársins hjá félaginu.
Mikil umræða hefur verið um kosninguna undanfarna daga eftir að stuðningsmenn Manchester United tóku upp á því að kjósa Balotelli aftur og aftur og ætluðu að tryggja honum nafnbótina hjá félaginu.
Stuðningsmenn Arsenal bættust svo í hópinn en Balotelli hefur verið afleitur hjá Liverpool á tímabilinu og varla náð að skora mörk fyrir félagið.
Af ótta við að þurfa að útnefna Balotelli leikmann ársins var nafn hans svo tekið út í dag þó leikmenn eins og Jordan Rossiter, Jordan Williams og Danny Ward sem spiluðu ekkert á tímabilinu hafi verið inni.
Síðar í dag breyttist staðan svo aftur, búið var að setja Ballotelli inn, en þar er nafn Balotelli vitlaust stafað.
Athugasemdir
