Það jákvæða við umferðina: Valsmenn sjá allavega ansi margt jákvætt! Sigur á KA á sunnudag og svo urðu úrslitin ótrúlega hliðholl liðinu í gær. Fær eitthvað stöðvað Óla Jó og lærisveina?
Það neikvæða við umferðina: Miðað við skemmtunina sem boðið er upp á er áhorfendamætingin alls ekki nægilega góð!
Fólk fékk mest fyrir 2.000 kallinn: Flestir leikirnir voru afbragðs skemmtun. Við veljum 1-1 leik KR og Breiðabliks. Gríðarlegt magn af færum og opinn leikur þó mörkin hafi ekki komið á færibandi!
Ekki lið umferðarinnar:
Sendu skýr skilaboð: Grindavík er ekkert að leika sér. Allavega ekki meðan leikirnir eru í gangi. Eftir leikina er svo hægt að leika sér!
Ummæli umferðarinnar: „Leicester gat orðið Englandsmeistari svo það er aldrei að vita!" sagði Andri Rúnar Bjarnason spurður að því hvort Grindavík gæti hirt toppsætið.
Innkast umferðarinnar: Óli Jó ætlaði að láta leikmann KA fá boltann í innkasti en missti hann úr höndum sér (viljaverk eða óviljaverk?) og kastaði honum yfir leikmanninn. Fékk áminningu en vakti samt mikla kátínu meðal blaðamanna og stuðningsmanna Vals.
Lýsum eftir: Tökum undir orð Gústa Gylfa eftir síðustu umferð. Hvað er að frétta með Fjölnisliðið? Ungu leikmennirnir verða að stíga upp sem fyrst og menn eins og Þórir Guðjónsson og Ingimundur Níels að girða sig í brók.
Heiðursverðlaun umferðarinnar: Gunnlaugur Jónsson þjálfari Skagamanna sýnir færni sína. Varnarleikurinn var eins og gatasigti í upphafi móts en viðgerð er hafin og miðar vel.
Dansarar umferðarinnar: Kwame Quee tók skemmtilegan dans þegar hann kom Ólsurum yfir gegn Stjörnunni. Eftir leik langaði Ejub líka að taka dansspor.
Mark umferðarinnar: Aukaspyrnu-Ívar og Ragnar Bragi áttu stórkostlegan samleik og Ívar kláraði frábærlega í jöfnunarmark Víkings R. gegn FH. Maður stendur upp og klappar!
Léttir umferðarinnar: Allt stefndi í að KR yrði í fallsæti eftir umferðina en flautuvítamark tryggði liðinu jafntefli. Aftur eru Blikar að missa stig í blálokin.
Atvik umferðarinnar: Sóknarmaðurinn ungi Guðmundur Andri Tryggvason féll í teignum í uppbótartíma og vítaspyrna dæmd á Gunnleif Gunnleifsson. Mikil umræða skapaðist í kjölfarið.
Guðmundur Andri með rosalegan leikaraskap. Ungur svindlari að fæðast
— Hörður S Jónsson (@hoddi23) June 19, 2017
Hvað eru allir að samþykkja þetta KR viti? Þetta er dýfa, gult spjald og rautt því hann var á gulu. Er klókt nýyrði yfir svindl?
— Þórður Helgi Þórðar (@Doddilitli) June 20, 2017
Mikill aðdáandi Andra en stálheppinn að fá ekki seinna gula fyrir leik. Stutt á milli í þessu. #pepsi365
— Kolbeinn Tumi (@kolbeinntumi) June 19, 2017
Sjálfur sagði Guðmundur Andri þetta:
Guðmundur Andri um vítaspyrnudóminn umdeilda í gær #fotboltinet pic.twitter.com/8bouSA7tk8
— Fótbolti.net (@Fotboltinet) June 20, 2017
Svo voru sumir ósáttir við Þórodd Hjaltalín dómara sem gerði slæm mistök sem bitnuðu á KA í 7. umferðinni.
Skil ekki að dómaranefnd verðlauni hann með stórleik eftir tvenn risamistök i leiknum á undan Virðing fyrir leiknum hvað?
— Gunni Nella (@gunni_nella) June 20, 2017
Í alvöru deildum færi Doddi Hjaltalín á bekkinn,tvær umferðir strax í kvöld.Skítur tvo leiki í röð og stelur stigum. #fotboltinet #pepsi365
— Aðalsteinn Tryggva (@AdalsteinnTr) June 19, 2017
Tryllingur umferðarinnar: Davíð Snorri Jónasson, aðstoðarþjálfari Stjörnunnar, brjálaðist gegn Víkingi Ólafsvík. Sjáðu æðiskastið hér á Vísi.
Þið eigið lokaorðið #fotboltinet
Alls ekki setja ungan efnilegan KRing inná eins og Guðmund Andra! Skilað helvíti miklu að setja þennan danska b5 tappa og kartöfluGarðar inn
— Dagur Steingrímsson (@DagurSteingrims) June 19, 2017
Gísli Eyjólfs búinn að fara í gegnum Ejub skólan #Fotboltinet #pepsi365 #ejubskolinn
— Kristinn S Trausta (@Kidditr) June 19, 2017
Það sem allir yngri flokka þjálfarar vildu segja við Fram þegar ég var ungur. Stálu alltaf þeim bestu #FotboltiNet #Pepsi365 pic.twitter.com/imBMMmWCug
— Maggi Peran (@maggiperan) June 19, 2017
Hvenær ætli það hafi gerst síðast að bæði KR og FH eru bara með tvo sigra eftir átta umferðir? #fotboltinet
— Valur Páll Eiríksson (@vpeiriksson) June 19, 2017
Þessi umferð hefði varla getað farið betur fyrir Grindavík. Fjögurra stiga forskot a liðið í 3. sæti. Sturlað. #fotboltinet
— Bjarni Hallfreðsson (@BjarniThorarinn) June 19, 2017
Hvaðan eiga #Skagamenn að fá mörkin? var spurt. Næst markahæstir í deildinni. Og vörnin að batna. #fotbolti #fotboltinet
— Brynjólfur Þór Guðm. (@BrynThor) June 19, 2017
Beitir hann sér vitlaust þarna? #fotboltinet #5aur
— Bergmann Guðmundsson (@BergmannGudm) June 19, 2017
Sjá einnig:
Eldri lokahóf
