Jóhann í viðtali eftir æfingu Stjörnunnar í gær.
,,Þetta er upplifun út af fyrir sig," segir Jóhann Laxdal við Fótbolta.net um leik Stjörnunnar og Inter í kvöld.
,,Fólkið í Garðabænum er að missa sig meira en leikmennirnir. Þetta verður hörku stemning og upplifun sem hefur ekki sést á Íslandi. Þetta er algjört Disney ævintýri og það heldur bara áfram."
,,Fólkið í Garðabænum er að missa sig meira en leikmennirnir. Þetta verður hörku stemning og upplifun sem hefur ekki sést á Íslandi. Þetta er algjört Disney ævintýri og það heldur bara áfram."
Jóhann og félagar í Stjörnunni vöktu heimsathygli fyrir fögn sín árið 2010 en erlendir fjölmiðlar hafa rifjað þau upp í aðdraganda leiksins. Jóhann útilokar ekki að rifja upp fagn ef Stjarnan skorar í kvöld.
,,Ef maður setur mark hérna þá veit maður aldrei hvað maður mun gera. Þeir eru mikið að pæla ennþá í þessum fögnum úti. Ég er búinn að fara í 2-3 viðtöl og þar er menn að slá tvær flugur í einu höggi og spyrja út í fögnin og Inter leikinn," sagði Jóhann sem gæti tekið laxinn í kvöld ef hann skorar.
,,Verður maður ekki að gera það með einhverjum lúxus hætti?" sagði Jóhann brosandi að lokum.
Hér að ofan má sjá viðtalið í heild sinni.
Athugasemdir
