EA Sports framleiðir FIFA tölvuleikina vinsælu. Í fyrsta skipti í mörg ár var Íslandi boðið að vera með í leiknum en EA Sports hafði samband við KSÍ vegna málsins í ágúst. KSÍ hafnaði tilboði EA Sports og því er íslenska liðið ekki í leiknum.
„Þetta var mjög lág upphæð frá fyrirtæki sem græðir á tá og fingri er mér sagt,“ segir Geir í samtali við Vísi um málið. „Við komum með gagntilboð en það var ekki áhugi fyrir því.“
Vísir spurði hvort ekki hefði verið betra að taka þessu tilboði þar sem það hefði geta reynst mikil kynning fyrir íslenska knattspyrnu, og alls óvíst hvort slíkt tækifæri bjóðist aftur.
„Þetta er bara eins og önnur viðskiptatækifæri. Ég er vissum að þeir urðu að meta það sínu megin frá. Íslenska landsliðið vakti athygli um allan heim. Við getum ekki gefið réttindin frá okkur,“ sagði Geir við Vísi.
47 karlalandslið eru í FIFA 17 en Ísland, sem er í 27. sæti á heimlista FIFA, er ekki þar á meðal.
Gífurleg reiði er á meðal íslenskra fótboltaáhugamanna yfir ákvörðun KSÍ eins og sjá má á Twitter færslunni hér að neðan.
Þó að EA Sports hefðu rukkað KSÍ fyrir að fá að vera í FIFA 17 hefði KSÍ átt að taka boðinu. Vita þeir ekki hvað þessi leikur er stór?
— Einar Gudnason (@EinarGudna) September 20, 2016
Ksi er náttúrulega svo fátækt...1 kúla er ekkert nóg... #fotboltinet #FIFA17 #græðgi
— Kristín Lovísa (@Lobbsterinn) September 20, 2016
Markaðsvirði þess að Ísland væri í FIFA er ekki metið í einhverri eingreiðslu frá EA. Þvílíka skammsýnin. Græðgin er að ganga frá mönnum.
— Arnar Sveinn (@arnarsveinn) September 20, 2016
Skil KSÍ vel, eru í helvítis peningaharki eftir EM og þurfa á hverri krónu að halda...#fifa17 #fotboltinet
— Jóhann Már Kristinss (@joikidda) September 20, 2016
Ég skora á fótboltasamfélagið að bregðast við EA Sports - KSÍ málinu með undirskriftasöfnun. #fotbolti #fotboltinet #helvitisfokkingfokk
— Hafsteinn Árnason (@h_arnason) September 20, 2016
Hér má sjá mynd af kassanum sem Geir Þorsteinsson virðist vera fastur í #Fifa17 #fotboltinet pic.twitter.com/L7Ji8m2lVP
— Guðmundur Marinó (@GummiMarino) September 20, 2016
Gjörsamt grín hjá Geir /Ksí. Þetta er HUGE ókeypis auglýsing fyrir Ísland, landsliðið og Íslenska knattspyrnu. #EkkiMeirGeir
— Andrés Már Jónasson (@AndresMar90) September 20, 2016
Geir Þorsteinsson. Sá er að stimpla sig inn sem einhver almesti looser þjóðarinnar. Ísland á ekki að þurfa að fá neinn aur fyrir að vera 1/2
— Garðar Ingi Leifsson (@gardarleifs) September 20, 2016
KSÍ átti að fagna því að fá bæði landsliðin í FIFA 17, jafnvel án endurgjalds. Kynningin ein þess virði. Sturluð ákvörðun.
— Kristján Atli (@kristjanatli) September 20, 2016
KSÍ hafði fínan séns á að gefa stuðningsmönnum til baka með sjálfsagðri ákvörðun að vera með í FIFA - óháð verði. Ótrúlegt dæmi.
— Hjalti Þór Hreinsson (@HjaltiHreinsson) September 20, 2016
Alveg geggjað hjá KSÍ að neita lágum samning um Ísland í Fifa17. Það er svo risastórt að fá Ísland í leikinn.
— Styrmir Erlendsson (@Styrmir13) September 20, 2016
Glórulaus ákvörðun hjá KSÍ. Í hvaða heimi segiru ekki bara já við EA Sports..
— Örn Rúnar Magnússon (@ossimagg) September 20, 2016
Þetta er ekkert annað en ævintýralegt markaðsklúður KSÍ. Skammtímagróði tekinn fram yfir langtíma. https://t.co/zN3i9iO7XN
— Daníel Rúnarsson (@danielrunars) September 20, 2016
Ætlaði Geir Þorsteins að láta EA Sports borga fyrir nýjan Laugardalsvöll? 🤔
— Arnar Þór Ingólfsson (@arnaringolfs) September 20, 2016