Geir var þar að ræða um þá miklu gagnrýni sem KSÍ hefur fengið fyrir að hafna tilboði frá EA Sports fyrirtækinu sem vildi hafa íslenska landsliðið í vinsælasta fótboltatölvuleik heims, FIFA 17.

Sjá einnig:
KSÍ hafnaði tilboði um að hafa Ísland í FIFA 17

EA Sports buðu KSÍ að sögn Geirs á aðra milljón króna fyrir réttindin að íslenska liðinu. Geir segir þá upphæð vera of lága.

„Ég held að þó að þetta hefði örugglega hjálpað okkur að kynna enn frekar íslenska landsliðið þá verður það að vera gert á réttum forsendum og í góðri sátt allra aðila. Þetta snýst ekki eingöngu um peninga, þetta snýst um að verja sín réttindi og fá eðlilega þóknun fyrir það sem við erum að láta af hendi."

Geir var spurður hvort ekki hefði verið hægt að taka þessu tilboði því um frábæra auglýsingu hefði verið að ræða fyrir íslenskan fótbolta?

„Það kann að vera, ég ætla ekki að útiloka það. Kannski hefði mátt líta til hagsmuna íslenskra spilara og kannski hefði verið gott að eiga eitthvað samtal við þá. Það kunna að hafa verið mistök, ég segi það eins og er," sagði Geir en viðtalið má heyra í heild hér að neðan.



Sjá einnig:
Pistill - Skammtímagróði blindar langtímasýn KSÍ