Viktor Jóns skoraði þrennu í kvöld
Haukar 2 - 5 Þróttur R.
0-1 Viktor Jónsson ('19)
0-2 Daði Bergsson ('42)
1-2 Indriði Áki Þorláksson ('50)
1-3 Viktor Jónsson ('61)
1-4 Ólafur Hrannar Kristjánsson ('71)
2-4 Daníel Snorri Guðlaugsson ('84)
2-5 Viktor Jónsson ('89)
0-1 Viktor Jónsson ('19)
0-2 Daði Bergsson ('42)
1-2 Indriði Áki Þorláksson ('50)
1-3 Viktor Jónsson ('61)
1-4 Ólafur Hrannar Kristjánsson ('71)
2-4 Daníel Snorri Guðlaugsson ('84)
2-5 Viktor Jónsson ('89)
Haukar fengu Þrótt R. í heimsókn á Ásvelli í Inkasso deildinni í kvöld og úr varð sjö marka leikur.
Viktor Jónsson kom Þrótti yfir á 19. mínútu og átti þetta ekki eftir að vera eina mark hans í leiknum í kvöld.
Skömmu fyrir hálfleik bætti Daði Bergsson við öðru marki Þróttar og leiddu Þróttarar með tveimur mörkum er flautað var til hálfleiks.
Heimamenn í Haukum komu sterkir inn í seinni hálfleikinn og minnkuðu muninn á 50. mínútu en það gerði Indriði Áki Þorláksson.
En eftir það hrukku Þróttarar aftur í gang.
Viktor bætti við sínu öðru marki og kom Þrótti aftur í tveggja marka forystu á 61. mínútu og tíu mínútum síðar bætti Ólafur Hrannar Kristjánsson við fjórða marki Þróttar.
Daníel Snorri Guðlaugsson minnkaði aftur muninn fyrir Hauka á 84. mínútu en fimm mínútum síðar innsiglaði Viktor öruggan 5-2 útisigur með þriðja marki sínu í kvöld.
Með sigrinum fara Þróttarar upp fyrir Fram í fimmta sæti deildarinnar en Haukar eru enn í því sjöunda.
Athugasemdir
