Aðeins tvær umferðir eru eftir af Pepsi-deild karla en á næstu dögum ætlum við að birta ýmsa lista tengda deildinni í sumar. Hér er listi yfir tíu leikmenn (í stafrófsröð) í deildinni sem gætu horfið af landi brott á braut atvinnumennskunnar eftir sumarið.
Alfons Sampsted, 18 ára (Breiðablik) - Yngsti leikmaður deildarinnar sem hefur verið fastamaður í sumar. Hefur leikið vel í bakverði Blika og er á leið til Norrköping á reynslu.
Damir Muminovic, 26 (Breiðablik) - Miðvörður Blika hefur verið ótrúlega traustur síðustu tímabil. Draumur hans er að komast út eftir sumarið.
Emil Pálsson, 23 (FH) - Besti leikmaður deildarinnar í fyrra. Var sterklega orðaður við atvinnumennskuna fyrir ári en tækifærið gæti komið núna.
Hilmar Árni Halldórsson, 24 (Stjarnan) - Býr yfir hrikalega öflugu vopni sem eru stórhættuleg föst leikatriði. Lang stoðsendingahæstur í Pepsi-deildinni í sumar.
Kristinn Freyr Sigurðsson, 24 (Valur) - Mjög líklegur kandídat í að vera leikmaður ársins í Pepsi-deildinni. Verður samningslaus eftir tímabilið.
Oliver Sigurjónsson, 21 (Breiðablik) - Fyrirliði U21 landsliðsins býr yfir mörgum eiginleikum sem öll fótboltalið þurfa að hafa.
Orri Sigurður Ómarsson, 21 (Valur) - Miðvörðurinn ungi hefur verið lykilmaður hjá Val undanfarin tvö ár. Skynsamur leikmaður sem les leikinn vel.
Óttar Magnús Karlsson, 19 (Víkingur Reykjavík) - Það er ekki búist við því að þessi hættulegi sóknarmaður muni staldra lengi við hér á landi.
Sigurður Egill Lárusson, 24 (Valur) - Stjarna bikarúrslitaleiksins. Fáir betri þegar hann er í gírnum. Rétt eins og Kristinn er hann að renna út á samningi.
Athugasemdir