Angelo Ogbonna, varnarmaður West Ham, verður ekki meira með á tímabilinu en hann þarf að fara í aðgerð á hné.
Þessi ítalski landsliðsmaður hefur spilað 19 af 22 leikjum West Ham í ensku úrvalsdeildinni hingað til en eftir að félagið keypti hafsentinn Jose Fonte frá Southampton hefur Slaven Bilic, þjálfari West Ham, ákveðið að senda Ogbonna í aðgerð.
„Ég verð að hrósa Angelo Ogbonna vegna þess að hann hefur spilað allt tímabilið meiddur," sagði Bilic við Sky Sports.
„Hann þarf að fara í aðgerð á hné til að vera alveg heill heilsu og hann átti að fara fyrir nokkrum vikum en við báðum hann um að spila áfram."
Athugasemdir