Þýska úrvalsdeildin rúllar áfram í dag þar sem sex leikir verða spilaðir. Tveir þeirra eru í beinni útsendingu.

Bayern München, sem datt út úr Meistaradeildinni í vikunni, mætir Mainz og það er sýnt beint frá þeim leik. Bayern er á toppnum og eitthvað mikið þar að gerast til þess að þeir verði ekki meistarar.

Á sama tíma, kl. 13:30, mætir Augsburg, lið Alfreðs Finnbogasonar, Frankfurt á útivelli. Alfreð er í banni eftir að hafa fengið rautt spjald í síðasta leik og spilar ekki í dag.

Lokaleikur dagsins er svo á milli Borussia M'gladbach og Borussia Dortmund. Gestirnir duttu út úr Meistaradeildinni í vikunni og ætla sér að bæta fyrir það með sigri í dag.