Sara Björk Gunnarsdóttir er ómissandi partur af byrjunarliði Wolfsburg sem er eitt af bestu knattspyrnufélögum heims í kvennaboltanum.

Wolfsburg heimsótti Chelsea, sem sló Glódísi Perlu Viggósdóttur og Andreu Thorisson í Rosengard út í 16-liða úrslitum, og lentu Þjóðverjarnir undir strax á þriðju mínútu.

Sara Björk jafnaði leikinn stundarfjórðungi síðar og voru gestirnir komnir yfir í hálfleik.

Lara Dickenmann innsiglaði sigurinn í síðari hálfleik og er Wolfsburg í mjög góðri stöðu fyrir síðari viðureignina sem er á heimavelli næsta sunnudagskvöld.

Sigurliðið mætir annað hvort Manchester City eða Lyon í úrslitum. Liðin skildu jöfn í fyrri viðureigninni í Manchester í kvöld, 0-0.